Búgin Ózbekstan mámleketlik kórkem óner hám mádeniyat institutı Nókis filialı professor-oqıtıwshılar hám bólim xizmetkerleri ushın siyasiy-aǵartıwshılıq oqıw saatları ótkerildi.

Ótkerilgen oqıw saatında Ózbekstandaǵı konstituciyalıq reformalardıń baslı baǵdarları hám Huqıqıy sawatxanlıq (hápte dawamında qabıl etilgen normativ-huqıqıy hújjetlerdiń mazmun-áhmiyetliligi) atamasında Ózbekstan Respublikası Oliy Májlisi nızamshılıq palatası Spikeri orınbasarı, Konstitutsiyalıq komissiya baspasóz xatkeri O.F.Tadjiev hám Adillik ministrliginiń juwaplı xızmetkeri D.K.Rajabaevlar social tarmaqlardaǵı youtube rásmiy kanalı arqalı túsinik jumısların alıp bardı.

Jánede oqıw saatı dawamında Ózbekstan Respublikasında hám sırt ellerde bolıp atırǵan jańalıqlar, sonday-aq, mámleketimizde sociallıq tarawlarda alıp barılıp atırǵan jańalanıwlar hám erisilgen nátiyjeler haqqında video rolikler menen kórsetildi.

Ilaj dawamında jiynalǵanlar ózleriniń qızıqtırǵan sorawlarına juwaplar aldı.

QMU studenti G.Jartıbaeva