Búgin, 25-noyabr kúni Ózbekstan mámleketlik kórkem óner hám mádeniyat institutı Nókis filialında Xayal-qızlardı zorlıq hám basımǵa shek qoyıw xalıqaralıq kúni múnásibeti menen 16 kún – 16 baslama súreni astında akciya shólkemlestirildi.

Ilajǵa Nókis qalası IIB Hayal-qızlar máseleleri boyınsha profilaktika inspektorı A.Namenova, Salamatlıq strategiyalıq institutı Nókis qalalıq bólim shpakeri T.Ǵanieva, Qaraqalpaqstan Respublikası AÍJSǵa qarsı gúresiw orayı shpakeri B.Allambergenov, filalımız jámááti hámde student-jaslar qatnastı.

Ilajdı filial direktorınıń hayal-qızlar máseleleri boyınsha másláhátshisi O.Kdırniyazova basqarıp bardı.

Ilajda shıǵıp sóylegenler sońǵı jıllarda elimizdegi hayal-qızlarǵa qaratılıp atırǵan itibar, mámleket hám jámiyette olardıń ornı hám qádir-qımbatı, gender teńligin támiyinlew baǵdarında islenip atırǵan jumıslar menen birge hayal-qızlarǵa basım ótkeriw hám zorlıq illetiniń unamsız aqıbetleri, zorlıqtan qorǵawdıń huqıqıy tiykarları haqqında túsinik berip ótti.

Sonday-aq, qızlardıń erte turmıs qurıw aqıbetleri, hayal-qızlardıń siyasiy-huqıqıy bilimin asırıw, zorlıq hám basımnıń aldın alıw, jámiyiette hayal-qızlardıń ornı haqqında túsinikler berildi.

Ilaj dawamında filialımızdıń student-jasları tárepinen tayarlanǵan koncert baǵdarlaması jıynalǵanlardıń názerine usınıldı.

Ilaj usı jıldıń 25-noyabr kúninen 10-dekabrkúni aralıǵında bolıp ótedi.