Sońǵı jılları elimizde joqarı bilimlendiriw mákemelerinde bilimlendiriwdiń sapasın arttırıwdıń tiykarǵı faktorlarınıń biri sıpatında professor-oqıtıwshılardı ilimiy-izertlewge baǵdarlaw, olardıń ilimiy potenciyalın kóteriw arqalı dúnyajúzlik ilimiy jámiyetshilikte, xalıqaralıq abıraylı ilimiy-texnikalıq bazalarda óz ornına iye bolıwına ayrıqsha dıqqat qaratılmaqta. Bul baǵdarda Prezidentimiz tárepinen bir qatar qarar hám pármanlar qabıl etilip, joqarı oqıw orınlarınıń aldına rawajlanǵan mámleketler tájiriybesin engiziwde dúnyajúzlik kriteriyalar tiykarında islep shıǵılǵan, jańadan-jańa talaplar hám wazıypalar belgilep berildi.

Ózbekstan Respublikası Joqarı bilimlendiriw, ilim hám innovaciyalar ministriniń 2024-jıl 20-marttaǵı 76-sanlı buyrıǵına tiykar usı jıldıń 22-oktyabr kúni Berdaq atındaǵı Qaraqalpaq mámleketlik akademiyalıq muzıkalı teatrında filialdıń «Jańa Ózbekstanda mádeniyat hám kórkem óner tarawınıń rawajlanıw tendenciyaları» atamasındaǵı xalıqaralıq ilimiy-ámeliy konferenciya bolıp ótti.

Ilajǵa túrli millet wakilleriniń professor-oqıtıwshıları, kórkem ónertanıw boyınsha izleniwshiler, filial  professor-oqıtıwshıları hám student-jaslar qatnastı.

Konferenciyanı filial direktorı w.w.a Q.Yusupov ashıp berdi hám basqarıp bardı.

Konferenciyada Ózbekstan mámleketlik kórkem óner hám mádeniyat institutı «Kórkem ónertanıw hám mádeniyat tanıw» kafedrası professorı, tariyx ilimleriniń doktorı Abduxalil Mavrulov “Zamonaviy sharoitda madaniyat fenomenini o‘rganishning o‘ziga xosligi” atamasında, M.Awezov atındaǵı Qubla-Qazaqstan universiteti “Jalpı tariyx jáne murajay isi»  kafedrası baslıǵı, t.i.k. docent Gúljan Otarbaeva “Современный библиотекарь: гармония традиций и инноваций” atamasında, Ózbekstan mámleketlik kórkem óner hám mádeniyat institutı «Mádeniyat hám kórkem óner menedjmenti» kafedrası baslıǵı, Kórkem ónertanıw ilimleri boyınsha filosofiya doktorı (PhD), docent Sayfullo Ikromov “Madaniy tadbirlarni tashkil etish va boshqarish metodlarining zamonaviy tendensiyalari” atamasında, Kórkem ónertanıw ilimleriniń kandidatı, Dina Nurpeisova atındaǵı Qazaq xalıq sazları akademiyalıq orkestri solisti Aqnar Sharipbaeva “Место традиционного кобыза в системе музыкального образования Казахстана” atamasında, Qaraqalpaqstan xalıq baqsısı, Ózbekstan mámleketlik kórkem óner hám mádeniyat institutı Nókis filialı “Xalıq dóretiwshiligi” kafedrası baslıǵı, Professor Gulbaxar Axımbetova “Saz, sóz háreketlerdi ózinde jámlegen janr” atamasında, X.A. Yаssauiy atındaǵı xalıq aralıq qazaq-túrk universiteti «Atqarıwshılıq kórkem óneri» kafedrası aǵa oqıtıwshısı Alımbay Botakaraev “Театр и музыка” atamasında, Ózbekstan mámleketlik kórkem óner hám mádeniyat institutı Nókis filialı “Mádeniyattanıwshılıq” 2-basqısh magistrantı Shaxsanem Sultamuratova “Kinematografiyada generativ jasalma intelekttiń roli” atamasında, bayanatlar jasadı.

Ilajda mádeniyat hám kórkem óner tarawınıń búgingi máseleleri, mashqalaları hám olardıń sheshimi tuwralı bahalı pikirler hám usınıslar bildirildi. Ilaj filial student-jaslar tárepinen tayarlanǵan koncert baǵdarlaması menen dawam etti.

✍️Filial baspasóz xızmeti