Búgin 18-sentyabr kúni Ózbekstan mámleketlik kórkem óner hám mádeniyat institutı Nókis filialında “Ideyadan Startapqa shekem” atamasında oqıw-seminarı bolıp ótti.

Ilajdı filial direktorı w.w.a Q.Yusupov ashıp berdi hám basqarıp bardı.

Onda Nókis Jaslar Texnoparki “Inno-X” biznes inkubatorı mentorı Erlan Kereev, filialdıń Xalıqaralıq birge islesiw bólimi baslıǵı B.Sultamuratov hám filial student-jasları qatnastı.

Ótkerilgen ilaj barısında filial student-jaslarına startap joybarlardıń tiykarǵı kriteriyaları, jolǵa qoyıwdıń ekonomikalıq, finanslıq hám huqıqıy tiykarları, sonday-aq, marketing strategiyaları haqqında keń túrde maǵlıwmatlar berildi.

Ilaj sońında student-jaslar ózlerin qızıqtırǵan sorawlarına juwaplar aldı.