Filialımız «Mádeniyat iskerligi» kafedrasınıń baslıǵı, professor Saparbaeva Gulchira Abatbaevnanıń avtorlıǵında «Mádeniy dem alıwdı shólkemlestiriwdiń ilimiy tiykarları» atamasındaǵı sabaqlıq baspadan shıǵarıldı.

Bul sabaqlıq «Mádeniyat hám kórkem óner tarawı menedjmenti» qánigeligi boyınsha magistrlerdi kásipke tayarlawǵa qaratılǵan pán baǵdarlaması tiykarında islep shıǵılǵan. Yaǵnıy ol qánigelik boyınsha oqıtılıwı kerek bolǵan pánler qatarına kirgizilgen.

Sabaqlıqta sonday-aq, mádeniy dem alıwdıń ilimiy-teoriyalıq tiykarları hám onıń rawajlanıw basqıshları menen ámeldegi jaǵdayı puqta úyrenilip shıǵılǵan. Sonıń ishinde, mádeniy dem alıw ilajları menen dástúriy hám zamanagóy sociallıq-mádeniy ilajlardı shólkemlestiriw xám ótkeriwdiń ózgesheliklerine analiz berilgen.

Ulıwma alǵanda sabaqlıq kórkem óner hám mádeniyat tarawı magistr-menedjerleri, mádeniy dem alıwdı shólkemlestiriwshilerin tayarlawǵa arnalǵan bolıp, onnan tek ǵana taraw professor-oqıtıwshıları menen magistrler emes, al usı taraw xızmetkerleri de paylanıwı múmkin.