Xabarıńız bar, Ózbekstan Respublikası Ministrler Kabineti janındaǵı Bilimlendiriw sapasın qadaǵalaw mámleketlik inspeksiyası tárepinen Ózbekstanda jumıs alıp barıp atırǵan joqarı oqıw orınları hám filiallarınıń 2020-jıldaǵı milliy reytingi nátiyjelerin járiyalaǵan edi. Quwanarlısı filiallar reytinginde ulıwma 27 joqarı oqıw orınları filialı arasında Ózbekstan mámleketlik kórkem óner hám mádeniyat institutı Nókis filialı joqarı beslik kórsetkishleri arasında bolıwı jámáátimiz ushın úlken maqtınısh esaplanadı.

Ózbekstan mámleketlik kórkem óner hám mádeniyat institutı Nókis filialında ótken jıldıń reyting nátiyjeleri hám 2021-jıl ushın reyting kórsetkishlerin jetilistiriw máselelerine baǵıshlanǵan ilaj bolıp ótti.

Májiliste filial direktorı A.Ayapov bıyılǵı jıldıń milliy reyting nátiyjelerin belgilewde esapqa alınatuǵın hár bir bántke ayrıqsha toktap ótip, bul baǵdardaǵı jumıslardı ele de jetilistiriw kerekligin atap ótti.  

Ilaj sońında reyting kórsetkishti anıqlawda isleniwi tiyis bolǵan jumıslar boyınsha pikir-usınıslar bildirilip, aldaǵı wazıypalar belgilenip alındı.

ÓzMKÓMI Nókis filialı baspasóz xızmeti.