Usı jıldıń 24-oktyabr kúni Ózbekstan mámleketlik kórkem óner hám mádeniyat institutı Nókis filialında “Ma’rifat ulashib” atamasında ilaj bolıp ótdi.

Ilajdı filial direktorınıń Jaslar máseleleri ruwxıy aǵartıwshılıq isleri boyınsha direktor orınbasarı A.Ótepbergenov alıp bardı.

Onda jurnalist, shayır, jazıwshı hám mámleketlik ǵayratker. «Qaraqalpaqstan xalıq shayırı», «Qaraqalpaqstan Respublikasına miyneti sińgen jurnalist», «Ózbekstan xalıq jazıwshısı», Qaraqalpaqstan Respublikası Jazıwshılar awqamı baslıģı Keńesbay Karimov,  shayır, qıssaxan hám jurnalist. Xalila Dáwletnazarov, Ózbekstanda xızmet kórsetken mádeniyat xızmetkeri Bobur Bobomurodlar sózge shıǵıp, ózleriniń dóretiwshilikleri haqqında maǵlıwmatlar berip, bir qatar qosıq qatarların oqıp berdi.

Bunday ilajlardı ótkeriwden maqset – jas áwladtı Watansúyiwshilik ruwxında tárbiyalaw, ullı jazıwshı hám shayırlar dóretiwshilik jolı hám olar tárepinin dórelgen ádebiy miyraslardı úyreniw hám de kitapqumarlıqtı keń en jaydırıwdan ibarat bolıp tabıladı.

Ilaj sońında student-jaslar ózlerin qızıqtırǵan sorawlarǵa juwap aldı.

Filial baspasóz xızmeti