Ózbekstan mámleketlik kórkem óner hám mádeniyat institutı Nókis filialı sport klubı tárepinen student-jaslardıń bos waqtın mazmunlı ótkeriw, salamat turmıs tárizin qáliplestiriw hám filial saylandı komandası quramın dúziw maqsetinde 1-kurs er balalar hám qız balalar arasında sporttıń voleybol túrinen jarıs ótkerildi.

Er balalar arasında ótkerilgen jarısta «Dramatik teatr rejessyorlıǵı» tálim baǵdarı birinshi, «Qosıq hám ayaq oyın» tálim baǵdarı ekinshi, «Drama hám kino aktyorlıǵı» tálim baǵdarı studentleri úshinshi orındı qolǵa kirgizdi.

Sonday-aq, qız balalar arasında ótkerilgen jarısta «Mádeniyat hám kórkem óner mákemelerin shólkemlestiriw hám basqarıw» tálim baǵdarı birinshi, «Saxna hám ekran kórkem óner dramaturgiyası» tálim baǵdarı ekinshi hám “Kitapxana hám xabar iskerligi” tálim baǵdarı úshinshi orındı jeńip alıwǵa miyassar boldı.

Jeńimpazlar shólkemlestiriwshiler tárepinen diplom menen sıylıqlandı.

ÓzMKÓMI Nókis filialı baspasóz xizmetı