Prezident tapsırmasına muwapıq, búgin 26-fevral kúni Ózbekstan mámleketlik kórkem óner hám mádeniyat institutı Nókis filialında «Direktor hám jaslar» atamasında ushırasıw bolıp ótti.

Ilajda filial direktorı Q.Yusupov, Jaslar máseleleri ruwxıy aǵartıwshılıq isleri boyınsha direktor orınbasarı A.Ótepbergenov, fakultet dekanları, dekan orınbasarları, kafedra baslıqları hám pitkeriwshi student-jasları qatnastı.

Ilajda filial direktorı Q.Yusupov sózge shıǵıp, filialımızda alıp barılıp atırǵan jumıslar, student-jaslardı qollap-quwatlaw baǵdarındaǵı ilajlar haqqında keń túrde maǵlıwmat berdi. Atap aytqanda, jaslardı ilim alıw jolına keńnen tartıw, zamanagóy oqıw-metodikalıq qollanbalar menen támiyinlew, student-jaslardıń bos waqıtların mazmunlı ótkeriwge qaratılǵan mádeniy-aǵartıwshılıq hám sport ilajların sistemalı shólkemlestiriw baǵdarındaǵı jumıslarǵa ayrıqsha toqtap ótti.

Bunnan soń, student-jaslardıń pikir usınısları, tıńlanıp, aldaǵı wazıypalar belgilenip alındı.

Ilajdı ótkeriwden gózlengen tiykarǵı maqset – student-jaslardıń pikir usınısların tıńlaw, olardıń talap hám mútájliklerin qanaatlandırıw, sonday-aq, filial studentleriniń turmısındaǵı áhmiyetli máselelerdi dodalaw bolıp esaplanadı.
Ilaj sońında student-jaslar ózlerin qızıqtırǵan sorawlarǵa juwap aldı.