Hayal-bul ana, hayal-bul shańaraq uyıtqısı. Ana bir qolı menen besik terbetse, ekinshi qolı menen dúnyanı terbetedi. Búgingi kúnde Jurtbasshımız aytqanınday, «Hayal gózzal bolsa-álem gózzal, hayal baxıtlı bolsa-shańaraq, pútkil jámiyet baxıtlı boladı»,-degen qaras sanamızǵa tereń kirip baratırǵanın hár birimiz ańlap jetip atırmız. Búgin Ózbekstanda jasap atırǵan hár bir hayal-qızlar baxıtlı. Sebebi, elimizdegi hár bir hayal-qızlarǵa itibar kúshli. Respublikamızda hayal-qızlardıń salamatlıǵın bekkemlew, olardıń jámiyettegi ornın asırıw, olarǵa kóplegen jeńillikler kórsetilip, isbilermenlik baslamaların qollap-quwatlaw boyınsha keń kólemli jumıslar alıp barılmaqta.

Óz gezeginde hayal-qızlarǵa bolǵan bunday húrmet hám itibar hesh bir mámlekette joq desek, asıra aytqan bolmaymız. Mámleketimizde hayal-qızlarǵa bolǵan itibar, olardıń miynet sharayatların jaqsılawda, sonday-aq, salamatlıǵın bekkemlewde kórinedi.

Usı baǵdarda búgin Ózbekstan mámleketlik kórkem óner hám mádeniyat institutı Nókis filialında student-qızlar ortasında «Hayal-qızlar bárha itibarda» atamasında sáwbet ótkerildi. Ilajdı filial jaslar menen islesiw, ruwxıylıq hám aǵartıwshılıq bólimi baslıǵı O.Qıdırniyazova alıp bardı. Onda «Tulımshaq» tigiw cexi baslıǵı «Khan book» kompaniyası Qaraqalpaqstan Respublikası dilleri, «Qızlar hawazı» koordinatorı, Ózbekstan jaslar isbilermenligin qollap-quwatlaw orayınıń Qaraqalpaqstan Respublikası biznes treneri hám bir qansha kókirek nıshanlardıń iyesi, jas isbilermen G.Xojanova qatnasıp, teńlesleri menen óz biznes sırları haqqında sáwbetlesti. Sáwbet pikirlesiwler menen dawam etti.

ÓzMKÓMI Nókis filialı baspasóz xızmeti