Хабарыңыз бар 1-октябрь – “Муғаллимлер ҳәм устазлар күни” менен филиалдың бир топар профессор-окытыўшылары Қарақалпақстан Республикасы Жоқарғы Кеңеси тәрепинен “Ўатан пидайысы” көкирек белгиси, Жоқары билимлендириў, илим ҳәм инновациялар министрлигиниң “Жоқары билимлендириў ағласы” кѳкирек белгиси, сондай-ақ, Өзбекстан Республикасы Мәденият министрлигиниң “Мәденият ҳәм көркем онер пидайысы” көкирек белгилери менен сыйлықланған еди.
Усы жыл 6-октябрь күни Өзбекстан мәмлекетлик көркем өнер ҳәм мәденият институты ректоры ў.ў.а. Э.Шермановтың филиал профессор-оқытыўшылары менен өткерилген ушырасыўында усы көкирек белгилери өз ийелерине салтанатлы түрде тапсырылды.
Мәденият ҳәм көркем өнер тараўында мийнет етип, жасларға билим ҳәм тәлим-тәрбия бериўде өз кәсибине пидиайылығы ушын “Режиссура ҳәм актёр шеберлиги” кафедрасы профессоры Нажиматдин Аңсатбаев – Өзбекстан мәмлекетлик көркем өнер ҳәм мәденият институты тәрепинен “Алғыснама” менен сыйлықланады.
“Социал гуманитар” пәнлер кафедрасы окытыўшысы Прекеева Амангул Ансатбаевна Қарақалпақстан Республикасы Жоқарғы Кеңеси тәрепинен “Ўатан пидайысы” көкирек белгиси менен сыйлықанады.
“Мәденият ҳәм китапхана искерлиги” кафедрасы окытыўшысы Ешбаева Гулбахар Турдибаевна – Жоқары билимлендириў, илим ҳәм инновациялар министрлиги тәрепинен «Олий таълим аълочиси» көкирек белгиси менен сыйлықланады.
“Халық дөретиўшилиги” кафедрасы оқытыўшысы Есанов Музаффар Умарович – “Мәденият ҳәм көркем өнер пидайысы” көкирек белгиси менен сыйлықланды.
Сондай-ақ, байрам мүнәсибети менен филиалға кѳп жыллық мийнети сиӊген ҳәм жәмийетлик жумысларда белсендилик кѳрсетип киятырған бир катар профессор-оқытыўшылар да Қарақалпақстан Республикасы Халық билимлендириў ағласы кѳкирек белгиси менен сыйлықланды.
Атап айтқанда: Филиал директорының Жаслар мәселелери, руӯхый-ағартыӯшылық ислери бойынша орынбасары Өтепбергенов Айдос Жанабаевич, Халық дөретиўшилиги кафедрасы концермейстри Шыныгүл Досхожаева, Халық дөретиўшилиги кафедрасы оқытыўшысы Мунтеева Гулнара Узақбаевна, Мәденият ҳәм китапхана искерлиги кафедрасы оқытыўшысы Ражапбаев Ботир Бекимбетович, Халық дөретиўшилиги кафедрасы аға оқытыўшысы Лола Махамматдинова, Халық дөретиўшилигикафедрасы оқытыўшысы Миратдин Насыровлар Қарақалпақстан Республикасы Халық билимлендириў ағласы кѳкирек белгиси менен сыйлықланды.
Өз гезегинде сыйлық ийелерин қолға киргизген табыслары менен қутлықлап, алдағы дөретиўшилик жумысларында табыслар тилеймиз.
Илажда Қарақалпақстан Республикасы Мәденият министри Б.Темирбаев қатнасты.
Филиал баспасөз хызмети.
