Sáne múnásibeti menen Ózbekstan mámleketlik kórkem óner hám mádeniyat institutı Nókis filialı 1-kurs student jasları arasında «Biz korrupciyaǵa qarsımız» atamasında súwretlew óneri boyınsha tańlaw ótkerildi.

Tańlawda studentler ózleri sızǵan súretleriniń mazmun-mánisi haqqında aytıp berdi hám tóreshiler quramı tárepinen bahalandı.

Oǵan bola «Kino televidenie hám radio ses rejissyorlıǵı» tálim baǵdarı studenti A.Umarov 1-orındı, «Mádeniyat mekemelerin shólkemlestiriw hám basqarıw» tálim baǵdarı studenti Sh.Ótegenova 2-orındı iyelegen bolsa 3-orınlardı usı tálim baǵdarı studentleri M.Mádiyarova, H.Otabekovalar hám «Baqsıshılıq hám dóretiwshilik» tálim baǵdarı studenti G.Joldasovalar iyeledi. Tańlaw jeńipazları shólkemlestiriwshiler tárepinen diplom hám estelik sawǵaları menen sıylıqlandı. Sonday-aq, tańlawda belsene qatnasqan studentler de húrmet jarlıǵı menen sıylıqlandı.

QMU studenti G.Jartıbaeva