Ózbekstan Respublikası Bas ministriniń 2025-jıl 30-maydaǵı 27/1-378-sanlı tapsırması hám Ózbekstan Respublikası Joqarı bilimlendiriw, ilim hám innovaciyalar ministrliginiń 2025-jıl 13-iyundaǵı 107-sanlı buyrıǵınıń orınlanıwın támiyinlew maqsetinde, Ózbekstan mámleketlik kórkem óner hám mádeniyat institutı Nókis filialı «Rejissura kórkem óneri» kafedrası baslıģı, professor L.Urazımbetova, «Aktyor sheberligi» kafedrası baslıģı, docent B.Nazarımbetov hám professor M.Ismayelovalar tárepinen alıs hám shetki aymaqlardaǵı jaslardı respublikalıq joqarı oqıw orınlarına keńnen tartıw boyınsha tastıyıqlanǵan reje-grafik tiykarında úgit-násiyat ilajı shólkemlestirildi.

Sonıń ishinde, búgin Shımbay rayonındaǵı qánigelestirilgen mektepleriniń pitkeriwshi oqıwshıları menen ushırasıw ótkerildi. Ushırasıw dawamında abiturientlerge institutta jaratılǵan sharayatlar, bilimlendiriw baǵdarları, qabıllaw processleri hám studentler ushın imkaniyatlar haqqında tolıq maǵlıwmat berildi.