Sońǵı jılları elimizde joqarı bilimlendiriw mákemelerinde bilimlendiriwdiń sapasın arttırıwdıń tiykarǵı faktorlarınıń biri sıpatında professor-oqıtıwshılardı ilimiy-izertlewge baǵdarlaw, olardıń ilimiy potenciyalın kóteriw arqalı dúnyajúzlik ilimiy jámiyetshilikte, xalıqaralıq abıraylı ilimiy-texnikalıq bazalarda óz ornına iye bolıwına ayrıqsha dıqqat qaratılmaqta. Bul baǵdarda Prezidentimiz tárepinen bir qatar qarar hám pármanlar qabıl etilip, joqarı oqıw orınlarınıń aldına rawajlanǵan mámleketler tájiriybesin engiziwde dúnyajúzlik kriteriyalar tiykarında islep shıǵılǵan, jańadan-jańa talaplar hám wazıypalar belgilep berildi.

Ózbekstan Respublikası Joqarı bilimlendiriw, ilim hám innovaciyalar ministriniń 2024-jıl 20-marttaǵı 76-sanlı buyrıǵına tiykar usı jıldıń 26-fevral kúni Ózbekstan mámleketlik kórkem óner hám mádeniyat institutı Nókis filialında “Teatr hám tamashagóy: Mashqalalar hám sheshim” atamasında Respublikalıq ilimiy-ámeliy konferenciya bolıp ótti.

Ilajǵa túrli millet wakilleriniń professor-oqıtıwshıları, kórkem ónertanıw boyınsha izleniwshiler, filial professor-oqıtıwshıları hám student-jaslar qatnastı.

Konferenciyanı filial direktorı orınbasarı A.Ótepbergenov ashıp berdi.

Konferenciyada Ózbekstan mámleketlik kórkem óner hám mádeniyat institutı «Muzikalı teatr kórkem óneri» kafedrası baslıǵı, professorı Rashid Usnatov “Aktyorlıq sheberlikti úyreniwde Mixail Aliksandrovich Chexov mektebi” atamasında, Ózbekstan mámleketlik kórkem óner hám mádeniyat institutı Nókis filialı “Vokal» kafedrası professorı Gúlnara Munteeva “Rus Estrada kórkem óneriniń qaraqalpaq estradasına tásiri tariyxınan” atamasında, Ózbekstan mámleketlik kórkem óner hám mádeniyat institutı Nókis filialı «Xalıq dóretiwshiligi» kafedrası baslıǵı, professor Gúlbaxar Axımbetova “Ózbek hám Qaraqalpaq xalıq dástanlarınıń ózine tán ózgeshelikleri” atamasında, Tashkent irrigaciya hám awıl xojalıǵın mexanizaciyalaw injineri institute Milliy izleniw universiteti dotarantı Nurnazar Prnazarov “Texnogumanistlik tranformaciya sháráyatında teatr hám ıxlasbent múnásibetleri: ruxıy qádiryatlar evaluciyası hám mashqalaları” atamasında, Ózbekstan mámleketlik kórkem óner hám mádeniyat institutı Nókis filialı “Rejissura kórkem óneri” kafedrası baslıǵı, Professor Lizaxan Urazımbetova “Система Станиславиского-система воситание актёра и режиссёра” atamasında, “Jipek jolı” Xalıqaralıq turizm hám mádeniy miyras universiteti 1-kurs student Gúláyim Qazaqbaeva «The role of theater fistivals in the development of cultural tourism” atamasında bayanatların oqıp esittirdi.

Ilajda mádeniyat hám kórkem óner tarawınıń búgingi máseleleri, mashqalaları hám olardıń sheshimi tuwralı bahalı pikirler hám usınıslar bildirildi.