Ózbekstan mámleketlik kórkem óner hám mádeniyat institutı Nókis filialı Oqıw isleri boyınsha direktor orınbasarı J.Shaniyazovtıń studentler tárepinen bildirilgen múrájat hám usınıslarǵa juwap berip, hár-bir másele boyınsha tolıq túsinikler hám tiyisli ilajlar kóriliwi boyınsha qabıllawı bolıp ótti.

Ótkerilgen qabıllawda student- jaslardıń múrájat hám usınısları, olardı qıynap atırǵan mashqalaları tıńlandı.

Ilajda student-jaslar tólemli kontrakt tikarınan grant tikarında oqıwǵa ótiw hám ol ushın nelerge itibar beriw máselesi, oqıp atırǵan tálim baǵdarların basqa tarawǵa ózgertiw hám basqada kóplegen máseleler boyınsha múrájat hám usınıslar berildi.

Sonday-aq, múddet talap etetuǵın múrájátlar qadaǵalawǵa alındı hám qısqa múddette orınlı sheshim tabıw boyınsha juwapkerlerge tapsırmalar berildi.

Ushırasıwda jaslar tárepinen bildirilgen qatar usınıslar tıńlandı hám múrájatlar boyınsha sol orınnıń ózinde bir qansha múrájatları unamlı sheshimin taptı.