Ózbekstan mámleketlik kórkem óner hám mádeniyat institutı Nókis filialında «Piyshembi — jaslar kúni» múnásibeti menen «Basshı hám jaslar» ushırasıwı shólkemlestirilip, onda student-jaslardıń pikir hám usınısların tıńlaw, olardıń mashqalalarına sheshim tabıw jáne ashıq-aydın hám qızǵın pikirlesiw ortalıǵın jaratıw tiykarǵı maqset etip belgilendi.

Ushırasıwda Qaraqalpaqstan Respublikası ádillik ministri E.Tursunov qatnasıp, jaslar menen ashıq pikirlesti. Ol student-jaslardıń bilimlendiriw procesi, sociallıq sharayatlar hám keleshektegi rejelerine baylanıslı pikirlerin tıńlap, olardı qollap-quwatlaw boyınsha óz usınısların bildirdi.

Ilaj dawamında student-jaslar tárepinen bildirilgen pikir-usınıslar hár tárepleme dodalandı. Olardıń mashqalalarına sheshim tabıw, usınısların ámeliyatqa engiziw boyınsha juwapkerler tárepinen tiyisli ilajlar kóriletuǵını atap ótildi. Ilaj sonında jaslar arasında jınayatshılıqtıń aldın alıw maqsetinde film qoyıp berildi.

Filial baspasóz xızmeti