Búgin filialda 15-may – xalıqaralıq shańaraq kúni múnásibeti menen xızmetkerler hám student jaslar arasındaǵı jas shańaraqlar qatnasında “Shańaraǵımız keleshegimiz” súreni astında tańlaw ótkerildi. Tańlawdıń ashılıw máresiminde Filial Hayal-qızlar Keńesiniń baslıǵı O.Kdirniyazova shıǵıp sóylep, shańaraqtıń áhmiyeti, ásirese, elimizde jas shańaraqlardı qollap-quwatlaw baǵdarında ámelge asırılıp atırǵan reformalardıń mazmun-mánisine toqtap ótti. Sonday-aq, Filialımızdaǵı jas shańaraqlardıń Respublika kólemindegi eń úlgili shańaraqlardıń biri bolıp júriwin tiledi.

Bunnan soń, tańlaw qatnasıwshılar, yaǵnıy jas shańaraqlar óz shańaraǵın tanıstırıw, bir-birine minnetdarshılıq aytıw, bos waqıttan mazmunlı paydalanıw hám shańaraqtı bekkemlewge baylanıslı soraw-juwaplar sıyaqlı shártler boyınsha óz-ara bellesti.

Tańlaw juwmaǵında Abdireymovlar shańaraǵı «Eń úlgili shańaraq» hám Jumanovlar shańaraǵı «Eń izleniwsheń shańaraq» lar dep tabılıp, shólkemlestiriwshiler tárepinen tayarlanǵan Húrmet jarlıq hám estelik sawǵalar menen sıylıqlandı.

Ámeliyatshı:
Asem Yesengeldiyeva, QMU 4-kurs studenti.

Filial baspasóz xızmeti