Ózbekstan mámleketlik korkem oner hám mádeniyat institutı Nókis filialında «Basshı hám jaslar» ushırasıwı bolıp ótti. Onda Qaraqalpaqstan Respublikası teleradiokanalı wákilleri hám student-jaslar qatnastı.

Ushırasıwda Qaraqalpaqstan Respublikası Teleradiokanalı direktorı Q.Bekbawliev, usı teleradiokanal direktorınıń orınbasarı Q.Falımovlar shıǵıp sóylep, elimizde ámelge asırılıp atırǵan reformalar, jaslar ushın jaratılǵan imkaniyatlar, sonday-aq, televidenieniń búgingi kúndegi xızmeti haqqında jıynalǵanlarǵa maǵlıwmat berip ótti.

 Maǵlıwmat orınında aytıp otiwimiz tiyis, búgingi kúnde filialda kórkem óner hám mádeniyat tarawı ushın joqarı maǵlıwmatlı qánigeler tayarlanıp, sonıń ishinde, televidenie hám radio baǵdarı boyınsha rejissyor, ses rejissyorı, saxna hám ekran kórkem óneri dramaturgiyası baǵdarları boyınsha kadrlar tayarlap kelmekte. Usı tálim baǵdardı pitkergen jaslarımız televidenie hám radio baǵdarlarında jumıs alıp barmaqta.

Ámeliyatshı:
Asem Yesengeldiyeva, QMU 4-kurs studenti.

Filial baspasóz xızmeti