Házirgi waqıtta barlıq joqarı oqıw orınları sıyaqlı Ózbekstan mámleketlik kórkem óner hám mádeniyat institutı Nókis filialında da 2025-2026 oqıw jılınıń báhárgi semestr juwmaqlawshı imtixan processleri bolıp ótpekte.

Búgin filial direktorı K.Yusupov imtixan processlerin kózden ótkeriw maqsetinde auditoriyalarda bolıp, ol jerde studentler ushın jaratılǵan sharayatlar, processlerdiń shólkemlestirilgenlik dárejesi menen jaqınnan tanıstı. Sonıń menen birge, studentlerdiń bilim hám kónlikpelerin qalıs hám ádil túrde bahalaw kerekligin atap ótti.

Sonday-aq, imtixan processleri boyınsha student-jaslar menen sáwbetlesip, olardıń pikir-usınısların tıńladı. Studentler óz gezeginde imtixanlardıń joqarı tártip-intizam tiykarında ótip atırǵanlıǵın hám olarǵa barlıq sharayatlar jaratılǵanın bildirdi.

Maǵlıwmat ushın aytıp ótiwimiz tiyis, imtixanlar ótkerilip atırǵan hár bir auditoriya videobaqlawǵa alınǵan bolıp, studentler imtixanlardı jazba, awızeki, ámeliy hám test túrinde tapsırıp, óz bilimlerin sınaqtan ótkermekte. Imtixanlardıń ashıq-aydın hám ádil ótiwi filialdıń Oqıw-metodikalıq basqarması hám Korrupciyaǵa qarsı «Kompleans qadaǵalaw» bólimi tárepinen turaqlı monitoring alıp barılmaqta.

Filial baspasóz xızmeti