Mámleketimizde jaslar isbilermenligin jolǵa qoyıw hám olardı qollap-quwatlawda barlıq imkaniyatlar jaratılǵan. Bul baǵdarda «Keleshekke qádem» baǵdarlaması sheńberinde pitkeriwshi jaslarǵa isbilermenlik hám basqa da nátiyjeli baslamalardı jolǵa qoyıwda 32 túrdegi imkaniyat jaratılǵan bolıp, búgingi kúnde jaslarımız usı imkaniyatlardan nátiyjeli paydalanbaqta.

Usınday jaslarımızdan biri Aydos Matniyazov. Ol ótken 2024-2025 oqıw jılında filialdıń “Dramalıq teatr hám kino aktyorlıǵı» tálim baǵdarın tamamladı. Ol óz bántligin támiyiynlew maqsetinde Kibersport (kompyuter oyınları) xızmetin jolǵa qoyıw ushın 300 mln sum muǵdarında jeńilletilgen kredit alıp, óz isbilermenligin jolǵa qoydı hám jáne bir jastıń bántligin támiyinlewge eristi.

Álbette, «Keleshekke qádem» baǵdarlaması sheńberinde jaratılǵan bul imkaniyatlar jaslardıń isbilermenlik hám basqa da nátiyjeli baslamalardı jolǵa qoyıwında baslı baǵdar sıpatında xızmet etpekte.

Filial baspasóz xızmeti