Elimizdiń barlıq aymaqlarında jańa oqıw jılınıń baslanıwı múnásibeti menen ilajlar ótkerilmekte. Mine, búgin usınday ilajlardıń biri Ózbekstan mámleketlik kórkem óner hám mádeniyat institutı Nókis filialında bolıp ótti. Oǵan filial professor-oqıtıwshıları, ata-analar hám student-jaslar qatnastı. Dáslep ilaj Ózbekstan Respublikası hám Qaraqalpaqstan Respublikası mámleketlik gimnleri menen baslandı.

Bunnan soń Qaraqalpaqstan Respublikası Mádeniyat ministriniń birinshi orınbasarı B.Xudayshukurov, filial direktorı K.Yusupov, «Xalıq dóretiwshiligi» fakulteti dekanı Q.Turdievlar  shıǵıp sóylep, jıynalǵanlardı Ózbekstan Respublikası ǵárezsizliginiń 35 jıllıq bayramı, jańa oqıw jılınıń baslanıwı, sonday-aq, bıyıl qabıl etilgen jaslardı student bolıw baxtına ersikeni menen qızǵın qutlıqladı.

Ilajda atap ótilgenindey, sońǵı jılları elimizde ámelge asırılıp atırǵan reformalar, sonıń ishinde bilimlendiriw tarawında júrgizilip atırǵan jumıslar, sonday-aq, jaslar ushın jaratılǵan imkaniyatlardı ayrıqsha atap ótti. Búgingi kúnde filialda bir yarım mıńnan aslam jaslarımız kúndizgi hám sırtqı, sonday-aq, magistratura qánigeliklerinde bilim almaqta. Sonıń ishinde bıyılǵı oqıw jılında kúndizgi tálim baǵdarına 281 student, magistratura qánigeligine bolsa 51 magistrant qabıl etildi. Student bolıw baxtına miyasar bolǵan jaslarmızǵa aldaǵı oqıwlarında tabıslar tilep, keleshekte elimizdiń rawajlanıwı jolında pidayılıq penen xızmet etiwlerinde tabıslar tiledi. 

Ilaj ǵárezsizlik sabaǵı menen dawam etti.

Filial baspasóz xızmeti