Búgin filial psixologı A.Yusupova tárepinen filialdıń 1-kurs student-jaslarına  psixologiyalıq trening shólkemlestirildi. Bunnan gózlengen maqset, studentlerdiń  jańa bilimlendiriw ortalıǵına beyimlesiwin qollap-quwatlaw, olardıń arasında salamat psixologiyalıq ortalıqtı qáliplestiriw hám jámiyette erkin pikirlew kónlikpelerin rawajlandırıwdan ibarat.

Trening dawamında, studentlerdiń óz-ara tanısıwı hám jámiyetke beyimlesiwine qaratılǵan hár túrli psixologiyalıq shınıǵıwlar hám interaktiv metodlardan paydalanıldı. Trening dawamında studentlerdiń bir-birin jaqsıraq túsiniwi, nátiyjeli qarım-qatnas ornatıwı hám jámáátlik birge islesiw kónlikpelerin qáliplestiriwge ayrıqsha itibar qaratıldı. Sonday-aq, studentler menen jańa ortalıqqa beyimlesiw, ruwxıy jaǵdaydı basqarıw, stress hám tolqınlanıwdı jeńiw, ózine bolǵan isenimdi arttırıw hám unamlı pikirlew temalarında sáwbet hám ámeliy shınıǵıwlar ótkerildi.

Filial baspasóz xızmeti