Ushırasıw dawamında studentlerge joqarı oqıw orınlarında ámel etiletuǵın ishki tártip-qaǵıydalar, studentlerdiń ádep-ikramlılıǵı, kiyiniw mádeniyatı, qarım-qatnasta húrmet-izzetti saqlaw sıyaqlı máseleler boyınsha filial Jaslar awqamı baslanǵısh shólkemi jetekshisi, fakultet Jaslar menen islesiw boyınsha dekan orınbasarları, tyutorlar hám fakultet jetekshileri tolıq maǵlıwmatlar berdi.

Bunnan tısqarı, studentlerge beriletuǵın jeńillikler, stipendiyalar, kontrakt tólemleri boyınsha bar jeńillikler, sociallıq járdem túrleri hám olar ushın jaratılǵan qosımsha sharayatlar haqqında túsinikler berildi.

Bul túsinik jumısları studentler arasında huqıqıy sana-sezim hám sociallıq juwapkershilikti arttırıwǵa, sonday-aq, salamat hám tártipli ortalıqtı qáliplestiriwge xızmet etedi.

Filial baspasóz xızmeti.