Ózbekstan mámleketlik kórkem óner hám mádeniyat institutı Nókis filialınıń «Social-gumanitar pánler» kafedrası oqıtıwshısı M.Shamuratova tárepinen Ózbekstan Qaharmanı, xalıq shayırı Abdulla Oripov tuwılǵan kúniniń 85 jıllıǵı múnásibeti menen ashıq sabaq shólkemlestirildi.

Sabaq dawamında shayırdıń ómiri hám dóretiwshilik miyrası haqqında maǵlıwmatlar berilip, studentler tárepinen shayırdıń «Men ne ushın súyemen Ózbekstandı» hám «Birinshi muhabbatım» qosıqları atqarıldı.

Sonday-aq, rejissyorlıq baǵdarı 1-kurs studentleri tárepinen «Sohibqiron» dramalıq dástanınan saxnalıq kórinisler kórsetildi. Bul ashıq sabaq studentlerde milliy ádebiyatqa bolǵan qızıǵıwshılıqtı jáne de arttırdı.

Filial baspasóz xızmeti