Ózbekstan mámleketlik kórkem óner hám mádeniyat institutı Nókis filialında adminstraciya xızmetkerleri hám professor-oqıtıwshılardıń qatnasıwında ilaj bolıp ótti.
Májilisti filial direktorı A.Ayapov basqarıp bardı hám jaqınlasıp qalǵan Ózbekstan Respublikası Prezidentligine saylawlar procesiinde jaslardı belsene qatnasıwǵa shaqırıw kerekligin atap ótti.
Bunnan basqa da ilajda tiyisli uyımlardan kelgen xatlardıń óz waqtında orınlanıwı, student-jaslardıń vakcina alıw ilajlarına juwapkershilik penen qaraw, shártnama tólemler ushın 10 procentlik shegirmelerdiń engizilgenligin studentlerge ele de túsindiriw kerekligi bildirildi.
Sonday-aq, gúz-qıs máwsimine tayarlıq kóriwde qazanxanalardı saz halatqa keltiriw hám iske qosıw máseleside atap ótildi.
ÓzMKÓMI Nókis filialı baspasóz xızmeti.
