Ózbekstan mámleketlik kórkem óner hám mádeniyat institutı Nókis filialı studen-jasları arasında “Altın gúz” atamasında sporttıń jeńil atlitika túri boyınsha kross (1000m hám 500m)ge juwırıw jarısı shólkemlestirildi. Ótkerilgen jaris juwmaǵına bola “Xalıq dóretiwshiligi” fakulteti Mádeniyat hám kórkem óner mákemelerin shólkemlestiriw hám basqarıw qánigeligi 1–kurs studenti Q.Ómirzaqov 1000metrge juwırıw boyınsha 1-orın, usı qánigeliktiń 2–kurs studenti S.Muxammedkarimov 2-orın, «Teatr kórkem óneri» fakulteti Vokal atqarıwshılıǵı 1-kurs  studenti A.Sársenbaev 3-orındı iyelewge miyassar boldı. Sonday-aq, 500 metrge juwırıw boyınsha «Texnogen kórkemóneri» fakulteti “Kino televideniye hám radio ses rejissyorlıǵı” qánigeligi 1–kurs studenti A.Orazbaev 1-orın, “Xalıq dóretiwshiligi” fakulteti Mádeniyat hám kórkem óner mákemelerin shólkemlestiriw hám basqarıw qánigeligi 1–kurs studenti Q.Ómirzaqov 2-orın, usı qánigeliktiń 2–kurs studenti S.Muxammedkarimov 3-orındı iyeledi. Jeńımpazlar filial tárepinen diplom hám bahalı sawǵalar menen sıylıqlandı.