Ózbekstan mámleketlik kórkem óner hám mádeniyat institutı Nókis filialı májilisler zalında ata-analar ushın “Ata-analar kongresi” atamasında ilajı shólkemlestirildi.

Ilajda filial direktorı A.Ayapov, Jaslar máseleleri ruwxıy-ag’artıwshılıq isleri boyınsha direktor orınbasarı A.Ótepbergenov, «Xalıq dóretiwshiligi» fakulteti dekanı Q.Turdiyev, “Kórkem ónertanıw” fakulteti dekanı G.Xodjametovalar shıg’ıp sóylep, búgingi kúnde bilimlendiriw tarawında júrgizilip atırg’an reformalar filialda jaslar ushın jaratılg’an sharayatlar hám qolg’a kirgizgen tabısları haqqında mag’lıwmat berip ótti.

Sonday-aq, ata-analar májilisinde búgingi globallasıw dáwirinde jaslardıń tálim-tárbiyasına hám internetten nátiyjeli paydalanıwın turaqlı qadag’alaw olardıń sóylesiw ádebi, kiyiniw mádeniyatına itibar qaratıw juwapkershilikti talap etetug’unlıg’ı ayrıqsha atap ótildi.

Ilaj sońında student-jaslar tárepinen tayarlang’an koncert bag’darlaması menen juwmaqlandı.