«1-oktyabr – Muǵallimler hám ustazlar kúni». Sáne múnásibeti menen paytaxtımızdaǵı payızlı orınlardıń birinde Ózbekstan mámleketlik kórkem óner hám mádeniyat institutı Nókis filialı jámááti ushın bayram dasturxanı jayıldı.

Onda Qaraqalpaqstan Respublikası Mádeniyat ministri Q.Turdiev, filial direktorı A.Ayapovlar shıǵıp sóylep, jıynalǵanlardı 1-oktyabr – Muǵallimler hám ustazlar kúni menen qızǵın qutlıqlap, jaslarǵa ilim-bilim sırların úyretiwdegi mashaqatlı, juwapkerli islerinde tabıslar tiledi. Bunnan soń, kásiplik awqam shólkemi tárepinen tayarlanǵan bayram sawǵaları tapsırıldı.

Keshede «Rejissura hám aktyor sheberligi» kafedrası okıtıwshı M.Yusupbaev ustazlarǵa arnap jazǵan bayram qosıǵın oqıp berdi.

Ilaj kórkem óner sheberleriniń atkarıwındaǵı koncert baǵdarlaması menen dawam etti. Ásirese, «Xalıq dóretiwshiligi» kafedrası oqıtıwshısı N.Qallibekov tárepinen atqarılǵan «Názálim dilbar» atlı qosıǵı jıynalǵanlarǵa ózgeshe zawıq baǵıshladı.

ÓzMKÓMI Nókis filialı baspasóz xızmeti.