Búgin Ózbekstan mámleketlik kórkem óner hám mádeniyat institutı Nókis filialı direktorı A.Ayapov 4-kurs student-jaslar menen ushırastı.

Oǵan fakultet dekanları, dekan orınbasarları, kafedra baslıqları, tyutorlar hám student-jaslar qatnastı.

Ushırasıwda sońǵı jılları elimizde ámelge asırılıp atırǵan reformalar, ásirese, joqarı bilimlendiriw tarawına qaratılıp atırǵan itibar, oqıyman, izlenemen, óz qábiletimdi júzege shıǵaraman degen jaslar ushın barlıq imkaniyatlar jaratilǵanın ayrıqsha atap ótti. Usı múmkinshiliklerden nátiyjeli paydalanıw, sabaqtan bas waqıtları ilim-bilim, kөrkem óner sırların ózlestiriw, sonday-aq, sport penen shuǵıllanıw, kóbirek kitap oqıw, sonday-aq, shet tillerin úyreniw arqalı bilimlerimizdi bekkemlep barıw kerekligi boyınsha pikir-usınısların bildirdi.

 Sonday-aq, ushırasıwda jaslarǵa filial ishki tártip hám ádep-ikramlılıq qaǵıydalarına ámel etiw, sóylew mádeniyatı, qarım-qatnas hám kiyiniw mádeniyatı, social tarmaqlardan nátijeli paydalanıw kerekligi boyınsha túsinikler berdi.

 Filial baspasөz xizmeti.