Usı jıldıń 25-iyun kúni Nókis qalası Qaraqalpaqstan kórkem óner sarayında «30-iyun Jaslar kúni» múnásibeti menen ótkerilip atırǵan «Jaslar aylıǵı» sheńberinde Joqarǵı Keńes Baslıǵı hám jaslar ushırasıwı bolıp ótti.

Ilajda Qaraqalpaqstan Respublikası Joqarǵı Keńesiniń Baslıǵı Murat Kamalov sózge shıǵıp, ilaj qatnasıwshıların hám elimizdiń barlıq jasların 30-iyun Jaslar kúni bayramı menen shın júrekten qutlıqladı.

Ushırasıw sheńberinde ilim, bilimlendiriw, kórkem óner, mádeniyat, sport hám basqa da tarawlarda ayrıqsha jetiskenliklerge erisip kiyatırǵan 24 jasqa «Úmit ushqını» kókirek nıshanı saltanatlı túrde tapsırıldı.

Eń quwanarlısı, olar arasında Ózbekstan mámleketlik kórkem óner hám mádeniyat institutı Nókis filialı «Kino hám televidenie rejissyorlıǵı» tálim baǵdarınıń 3-kurs studenti Azizbek Allamuratovta sıylıqlandı.

QMU studenti G.Jartıbaeva