1-oktyabr – «Muǵallimler hám ustazlar kúni» múnásibeti menen Ózbekstan mámleketlik kórkem óner hám mádeniyat institutı Nókis filialınıń bir qatar oqıtıwshılarınıń miynetleri Húkimetimiz tárepinen múnásip bahalanıp, orden hám  húrmet jarlıqlar menen sıylıqlanǵan edi.

Usı múnásibet penen Ózbekstan mámleketlik kórkem óner hám mádeniyat institutı Nókis filialında ilaj bolıp ótti.

Ilajda filialımız direktorı A.Ayapov jıynalǵanlardı ulıwma xalıqlıq bayram menen qutlıqladı hám húrmetli Prezidentimiz basshılıǵında elimizde ámelge asırılıp atırǵan keń kólemli iygilikli baslamalar hám bilimlendiriw sistemasın rawajlanǵan mámleketlerdiń tájiriybeleri tiykarında reformalaw, muǵallimler hám ustazlardıń jámiyettegi ornın bekkemlew boyınsha jumıslar haqqında keń túrde atap ótti.

Bunnan soń,

G.Munteevaǵa – «Doslıq» ordeni;

N.Qállibekovqa – «Mádeniyat hám kórkem óner pidayısı» kókirek belgisi;

M.Dawletmuratova hám Q.Seytjanovalarǵa – Qaraqalpaqstan Respublikası Ministrler Keńesiniń «Húrmet jarlıǵı»;

G.Xodjametova, A.Ótepbergenova, J.Berdimuratov hám R.Netullaevlarlarǵa bolsa, Ózbekstan Respublikası Joqarı bilimlendiriw, ilim hám innovaciyalar ministrliginiń  húrmet jarlıqları tapsırıldı.