Ózbekstan Respublikası Prezidentiniń 2017-jıl 20-aprel kúnigi PQ-2909-sanlı qararınıń 4-bántinde belgilengen wazıypalardı orınlaw maqsetinde usı jıldıń 14-16-dekabr kúnleri Ózbekstan mámleketlik kórkem óner hám mádeniyat institutı Nókis filialında Qazaqstan Respublikasınıń X.A.Yassawiy atındaǵı Xalıqaralıq Qazaq-Túrk universiteti “Sport jáne Oner” fakultetiniń “Orındawshılıq óneri” kafedrası professor-oqıtıwshıları, Qazaqstan Respublikası Mádeniyat tarawı belsendisi, Jumadillá Bókenbay Nashır ulı, sonday-aq, Qazaqstan Respubilkası Mádeniyat ǵayratkeri, usı kafedranıń aǵa oqıtıwshısı Orazkul Dawletovalar ZOOM platforması arqalı onlayn túrde sabaqlar ótti.

Bul onlayn sabaqlar eki joqarı oqıw ornı ortasında dúzilgen birge islesiw Memorandumı tiykarında shólkemlestirilip atırǵan bolıp, oǵan filialımızdıń “Qosıq hám ayaq oyın” hám “Vokal atqarıwshılıǵı” tálim baǵdarlarınıń 1-kurs studentleri belsene qatnasıp, belgilengen temalar sheńberinde teoriyalıq hámde ámeliy bilimler aldı.

 X.A.Yassawiy atındaǵı Xalıqaralıq Qazaq-Túrk universiteti ataqlı xalıqaralıq reyting shólkemi “Quacquarelli Symonds (QS): Asia University Rankings” tárepinen 2022-jılda Aziyanıń eń jaqsı 686 universitetleri arasında 239-orınǵa ılayıq kórilgen joqarı oqıw ornı esaplanadı.

Filial baspasóz xizmetı