Ózbekstan Respublikası Prezidentiniń 2020-jıl 6-noyabrdegi “Ózbekstannıń jańa rawajlanıw dáwirinde tálim-tárbiya hám ilim-bilimlendiriw tarawların rawajlandırıw ilajları haqqında”ǵı pármanı qabıl etilgen edi. Pármanda belgilengen wazıypalardıń orınlawın támiyinlew hám ulıwma orta bilim beriw mektep pitkeriwshilerin joqarı bilimlendiriw mákemelerine qamtıp alıw nátiyjeliligin arttırıwda Kegeyli rayonı Xalıq bilimlendiriw bólimine qaraslı 12-16-sanlı ulıwma orta bilim beriw mektepleri Ózbekstan mámleketlik kórkem óner hám mádeniyat institutı Nókis filialına biriktirilgen.

Filial professor-oqıtıwshılarınıń qatnasıwında joqarıda atap ótilgen mektep oqıwshıları menen ushırasıw shólkemlestirildi. Ushırasıwda “Mádeniyat hám kitapxana iskerligi” kafedrası docenti G. Eshbaeva, “Social-gumanitar pánleri” kafedrası oqıtıwshısı Q.Yusupov, “Texnogen hám dramaturgiya kórkem óneri” kafedrası oqıtıwshısı R.Nietullaev, hám “Xalıq dóretiwshiligi” kafedrası oqıtıwshısı R.Allambergenovlar shıǵıp sóylep, mektep pitkeriwshilerin joqarı bilim oqıw orınlarına oqıwǵa kiriwge bolǵan qızıǵıwshılıǵın kúsheytiw hámde kásip tańlawdaǵı pikirlerin qaliplestiriw, oqıwshılarda ilim-bilimge bolǵan qızıǵıwshılıǵın oyatıw boyınsha pikir-usınısların bildrdi.

Sonday-aq, ushırasıwda filial professor-oqıtıwshıları ózleriniń mektepte oqıǵan dáwirlerindegi qızıqlı waqıyaları, jaslardıń kórkem ónerge bolǵan qızıǵıwshılıǵın arttırıwda saz-ásbap shertiw usılları haqqında maǵlıwmatlar berdi.  

Filial baspasóz xızmeti.