Ózbekstan mámleketlik kórkem óner hám mádeniyat institutı Nókis filialına Beruniy rayonındaǵı «Amir Timur», «Doslıq», «Markaziy», «Bunyodkor», «Paxtakor», «Beruniy», «Altınsay», «Saraykól», «Sarkop» hám «SHabboz» awıl hám mákan puqaralar jıyınlarınan sociallıq qorǵawǵa mútáj hám mayıplıǵı bolǵan 37 jas biriktirilgen bolıp, olar menen tıǵız birge islesiw hám mashqalaların úyreniw baǵdarında nátiyjeli jumıslar alıp barılmaqta.

Búgin Ózbekstan mámleketlik kórkem óner hám mádeniyat institutı Nókis filialı direktorı A.Ayapov hám basqa da juwapker xızmetkerler Beruniy rayonınan biriktirilgen jaslardıń shanaraǵında boldı.  Biriktirilgen jaslardı sociallıq  jaqtan qollap-quwatlawda rayondaǵı «Tinishlik» awıl puqaralar jıyını aymaǵında jasawshı M.Shavkatova hám D.Rustamova, sonday-aq, «Shımam» awıl puqaralar jıyını aymaǵında jasawshı U.Usanova hám I.Turabaevlardıń shańaraǵına bolıp, azıq-awqat ónimlerin tapsırdı.

Álbette, bul ilajlar mámleketimizde jaslarǵa qolaylıqlar jaratıw  hám olardı hár tárepleme qollap-quwatlaw baǵdarında júrgizilip atırǵan jumıslardıń ámeliy kórinisi bolıp tabıladı.

Filial baspasóz xızmeti.