Өзбекстан Республикасы Коррупцияға қарсы гүресиў агентлигиниң 2023-жыл 30-март күнги хатында белгиленген ўазыйпалардың орынланыўын тәмийинлеў ҳәм жаслар арасында коррупцияға қарсы гүресиў белсендилигин арттырыў мақсетинде Өзбекстан мәмлекетлик көркем онер ҳәм мәденият институты Нөкис филиалы Коррупцияға қарсы гүресиў ҳәм комплаенс қадағалаў бөлими тәрепинен «Биз жаслар корруцияға жол қоймаймыз» атамасында видеоролик ҳәм видеоролликке сценарий жазыў таңлаўы өткерилди. Таңлаў бойынша келип түскен видеоролик ҳәм сценарийлер төрешилер қурамы тәрепинен көрип шығылды.

Таңлаў нәтийжелерине бола видеоролик бойынша Кино ҳәм телевидение режиссёрлыға кәнигелигиниң 4-курс студенти Асад Айтмуратов биринши орын, Сахна ҳәм экран көркем өнер драматургиясы қәнигелигиниң 2-курс студенти Улуғбек Сейтбеков екинши орынды ийелген болса видеороликке сценарий жазыў бойынша Сахна ҳәм экран көркем өнер драматургиясы қәнигелигиниң 2-курс студенти студенти Ниетулла Жангелдиев биринши орын, Сахна ҳәм экран көркем өнер драматургиясы қәнигелигиниң 2-курс студенти Гүлайым Сейтимова екинши орын, Эстрада ҳәм массалық тамашалар режиссёрлығы қәнигелигиниң 1-курс студенти  Шахсанем Уразымбетова үшинши орынды жеңип алыўға миясар болды.

Жеңимпазлар ҳәм таңлаўда белсене қатнасқан студент-жаслар  шөлкемлестириўшилер тәрепинен дилом ҳәм баҳалы саўғалар менен сыйлықланды.   

Филиал баспасөз хызмети.