Ózbekstan mámleketlik kórkem óner hám mádeniyat institutı Nókis filialı administraciya xızmetkerleri, professor-oqıtıwshılar hám xojalıq bólimi xızmetkerlerin sporttıń “Futbol” túri boyınsha  “Direktor kubogi” bellesiwi ótkerildi.

Bunda filialdıń Jaslar máseleleri, Ruwxıy-aǵartıwshılıq isleri boyınsha direktor orınbasarı A.Ótepbergenov shıǵıp sóylep, administraciya xızmetkerleri, professor-oqıtıwshılar hám xojalıq bólimi xızmetkerlerin sportqa qızıqtırıw, den sawlıǵın bekemlew hám filial saylandı komandasın dúziw boyınsha túsinikler berip ótti. Sonday-aq, qatnasıwshılarǵa awmetler tiledi. Sonıń menen bir qatarda direktor másláhátshisi Q.Yakubov, filial sport klubı baslıǵı R.Berdimuratov, Jaslar menen islesiw, Ruwxıylıq hám aǵartıwshılıq bólimi baslıǵı S.Abatbaevlar shıǵıp sóylep, barlıq qatnasıwshılarǵa awmet tiledi. Ótkerilgen bellesiw qızǵın dawam etti.

Jarıs juwmaǵında administraciya xızmetkerleri quramınan dúzilgen komanda birinshi, Bólimler quramınan dúzilgen komanda ekinshi hám xojalıq bólimi xızmetkerleri quramınan dúzilgen komanda úshinshi orındı qolǵa kirgizdi.

Jarıs jeńimpazları menen belsene qatnasqanlarǵa shólkemlestiriwshiler tárepinen diplom hám estelik sawǵaları tapsırıldı.