Búgin Ózbekstan mámleketlik kórkem óner hám mádeniyat institutı Nókis filialında gezektegi apparat májilisi bolıp ótti. Oǵan filial administraciya xızmetkerleri, fakultet dekanları hám bólim baslıqları qatnastı. Ilajda filial direktorı A.Ayapov shıǵıp sóylep, 2024-2025-jıl oqıw jılı ushın mámleketlik test sınaqları ótkerilip atırǵan orınlarda filialınıń juwaplı xızmetkerler hám volontyorlar belsendiligin arttırıw, sonday-aq, ishki tártip qaǵıydaların saqlaw, kontrakt máseleleri boyınsha atap ótti.

Ilaj sońında filialıdıń Sırtqı bólim baslıǵı, filologiya ilimleriniń kandidatı Dawletmurat Paxratdinov Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı attestaciya komissiyası tárepinen tastıyıqlanǵan docent diplomı, «Social gumanitar pánler» kafedrası oqıtıwshısı Amangúl Utepbergenovanıń tariyx ilimleri boyınsha filosofiya doktorı (PhD) diplomı saltanatlı túrde tapsırıldı.

Filial baspasóz xızmeti.