Usı jıldıń 16-dekabr kúni Ámet Shamuratovtıń 110 jasqa hám Ayımxan Shamuratovanıń 105 jasqa tolıwı múnásebeti menen Ózbekstan mámleketlik kórkem óner hám mádeniyat institutı Nókis filialıda eslew keshesi bolıp ótti.

Ilajdı Kórkem ónertanıw fakulteti dekani G.Xojametova alıp bardı. Onda Ózbekstan hám Qaraqalpaqstan xalıq artistileri T.Qaypnazarova, R.Saparova hám Qaraqalpaqstan xalıq artisti Z.Saypovalar, sonday-aq, A.Shamuratovalar shıǵıp sóylep Ámet Shamuratov hám Aymıxan Shamuratovalardıń ómir jolı, kásiplik dóretiwshilikleri haqqında maǵlıwmatlar berip ótti hám studentlerge keleshekte xalıq súygen kórkem óner iyeleri bolıp jetilisiwine tilekleslik bildirdi.

Ilaj sońında jiynalǵanlarǵa studentler tárepinen tayarlanǵan koncert baǵdarlaması qoyıp berildi.

Filial baspasóz xizmeti