Ózbekstan mámleketlik kórkem óner hám mádeniyat institutı Nókis filialı kishi májilisler zalında «Xalıq dóretiwshiligi» kafedrası dekanı Q.Turdiev basshılıǵında fakultet Keńesi bolıp ótti.

Bunda «Xalıq dóretiwshiligi», «Mádeniyat iskerligi», hám «Folklor hám etnografiya» kafedraları baslıqları, professor-oqıtıwshıları hám tyutorlar qatnastı.

Onda fakultet Keńesiniń jańa quramın saylaw, jámiyetlik wazıypalardı hám fakultet boyınsha basqada jumıslardı bólistiriw, studentlerdiń sabaqqa qatnası, tártibi, kiyiniw mádeniyatı hám 2023-2024 oqıw jılında pitkeriwshi studentlerdiń pitkeriw qánigelik jumıslarınıń temaların hám ilimiy basshıların nızam tiykarında tastıyıqlaw tapsırmaları berildi.

Májilis dawamında «Mádeniyat iskerligi» kafedrası oqıtıwshısı filosofiya ilimleri boyınsha filosofiya doktorı Quwanıshbay Yusupov avtorlıǵındaǵı “Teatr kórkem óneriniń qaraqalpaq milliy mádeniyatın qáliplestiriwdegi roli” atlı monografiyasın hám de «Folklor hám etnografiya» kafedrası oqıtıwshısı Muzabbar Esanovtıń «Ansambl klası» atlı oqıw qollanbasın basıp shıǵarıw usınısları dodalanıp, filial Keńesine jiberildi.  Sonday-aq, «Qosıq hám oyın» kafedrası oqıtıwshısı Z.Yuldashevanıń «Qaraqalpaqstanda xalıq oyınınıń rawajlanıwı hám házirgi kúndegi mashqalaları» atlı filologiya ilimleri boyınsha filosofiya doktorı dissertaciya temasın hám ilimiy basshı retinde G.Xodjametovanı kafedra májilisinde qarap shıǵılıp, fakultet Keńesine usınıldı.