Búgin 20-fevral kúni Ózbekstan mámleketlik kórkem óner hám mádeniyat institutı Nókis filialında “Kiber qáwipsizligi” boyınsha filial professor-oqıtıwshıları hám  student-jasları arasında túsindiriw jumısları alıp barıldı.

Ilajda Qaraqalpaqstan Respublikası IIM Operativ qıdırıw xizmeti Kiberqáwipsizlik bólimi aǵa qánigesi  leytenant Qdırbaev Jalǵasbay sózge shıqtı. Búgingi kúnde kópshilik puqaralar kiber jınayatlarıdıń qurbanına aylanıp qalıp atırǵanlıǵı, sonday-aq bank plastik kartalarınıń kodların ózgelerge berip, aldawshılardıń duzaǵına túsip qalǵanlıǵı jóninde mısallar keltirildi hámde bunday aldawshılardıń qurbanına aylanıp qalmaw kerekligi boyınsha kóplegen maǵlıwmatlar menen tanıstırıp ótti.

Ilaj dawamında professor-oqıtıwshıları hám  student-jaslarına kiber jınayatshılıq túrleri boyınsha anıq túsinikler berilip, qálbeki smslar, zvanoklarǵa juwap bermew sonday-aq, ózleri haqqında maǵlıwmat bermew kerekligi turalı túsindirildi.

Ilaj sońında filial  professor-oqıtıwshıları hám  student-jasları ózlerin qızıqtırǵan sorawlarǵa juwap aldı.

Filial baspasóz xızmeti