Ózbekstan mámleketlik kórkem óner hám mádeniyat institutı Nókis filiali hám Qazaqstan Respublikasınıń X.A.Yassawiy atındaǵı Xalıqaralıq Qazaq-Túrk universiteti ortasında 2021-jıldıń 12-dekabrinde dúzilgen Memprandumǵa tiykar 2022-jıldıń 5-10-noyabr kúnleri aralıǵında filialımızdıń “Xalıq dóretiwshiligi” kafedrasınıń professor-oqıtıwshıları G.Munteeva hám U.Abdullaevalar akademiyalıq tájiriybe almasıwda X.A.Yassawiy atındaǵı Xalıqaralıq Qazaq-Túrk universitetinde xızmet saparında boladı.

Xızmet saparınan baslı maqset — Xalıqaralıq Qazaq-Túrk universitetiniń “Vokal atqarıwshılıǵı” hám “Estrada atqarıwshılıǵı” tálim baǵdarları studentlerine Master-klass sabaqların ótiw,  óz qánigeligi boyınsha tájiriybe almasıw, ilimiy hám pedagogikalıq jumısları boyınsha izlenisler alıp barıwdan ibarat bolıp tabıladı.

Házirgi waqıtta professor-oqıtıwshılarımız G.Munteeva hám U.Abdullaevalar Xalıqaralıq Qazaq-Túrk universitetiniń “Vokal atqarıwshılıǵı” hám “Estrada atqarıwshılıǵı” tálim baǵdarları studentlerine master-klass sabaqların ótip atır.

Bunnan basqa da X.A.Yassawiy atındaǵı Xalıqaralıq Qazaq-Túrk universiteti menen studentlerdi akademiyalıq tálim almasıwdı jolǵa qoyıw maqsetinde filialımızdıń “Qosıq hám ayaq oyın” tálim baǵdarınıń 3-kurs studenti A.Quraqbaev sol jaqtaǵı teńlesleri menen sabaqlarǵa qatnasıp, bilim hám tájiriybesin arttırıp atır.

Maǵlıwmat ornında aytıp ótiwimiz tiyis, Qazaqstan Respublikasınıń X.A.Yassawiy atındaǵı Xalıqaralıq Qazaq-Túrk universiteti Qazaqstan Respublikasındaǵı eń jaqsı joqarı oqıw orınlarınıń biri esaplanıp, xalıqaralıq reytinglerde de joqarǵı orınlarda turadı.

Filial baspasóz xızmeti