Өзбекстан Республикасы Президентиниң 2022-жыл 2-февраль күнги «Мәденият ҳәм көркем өнер тараўын буннан былайда раўажландырыўға байланыслы қосымша илажлар ҳаққында»ғы ПҚ-112-санлы қарарына тийкар исле шығылға ис-режеге муўапық, апрель айында Бухара ўәлаятында, май айында Ташкент қаласында, июнь айында Әндижан, Наманган, Ферғана ўәлаятларында, август айында Жиззах ҳәм Сырдәрья ўәлаятларында, сентябрь айында Қашқадәрья ўәлаятында, октябрь айында Самарқанд ҳәм Ташкент ўәлаятларында Қарақалпақстан Республикасы «Мәденият күнлери» илажлары өткерилиўи режелестирилген.

Режеге тийкар усы жылдың 26-29-апрель күнлери Бухара ўәлаятында өткерилетуғын Қарақалпақстан Республикасы “Мәденият күнлери” күнлери өткерилиўи белгиленген.

Бухара ўәлаятында өткерилип атырған Қарақалпақстан Республикасы «Мәденият күнлери» илажларында республикамыз мәденият ҳәм көркем өнер хызметкерлери, жазыўшы ҳәм шайырлар, ғалаба хабар қураллары ўәкиллери менен биргеликте Өзбекстан мәмлекетлик көркем өнер ҳәм мәденият институты Нөкис филиалы профессор-оқытыўшылары ҳәм студент-жаслары да қатнаспақта.

Филиал баспасөз хызмети.