Eń ullı, eń áziz sanalǵan ǵárezsizligimizdiń 30 jıllıq bayramı múnásibeti menen elimizdiń jámiyetlik-siyasiy, social-ekonomikalıq turmısında belsendilik kórsetip kiyatırǵan bir topar pidayı insanlar búgin «Ózbekstan Respublikası Ǵárezsizliginiń 30 jıllıǵı» estelik belgisi menen sıylıqlandı.

Usınday kókirek belgisi menen sıylıqlanǵanlar arasında Ózbekstan mámleketlik kórkem óner hám mádeniyat institutı Nókis filialı “Kórkem ónertanıw” fakulteti dekani G.Xodjametova, «Rejissura hám aktyor sheberligi» kafedrası docenti M.Ismaylova, «Texnogen hám dramaturgiya kórkem óneri» kafedrası baslıǵı K.Zaretdinov, Ruwxıy hám aǵartıwshılıq isler bólimi baslıǵı O.Kdırniyazova hám «Mádeniyat hám kitapxana iskerligi» kafedrası docenti G.Eshbaevalar da «Ózbekstan Respublikası Ǵárezsizliginiń 30 jıllıǵı» estelik belgisi menen sıylıqlandı.

Filial professor-oqıtıwshıları menen xızmetkerleri atınan ustazlarımızdı qutlıqlap, olarǵa bekkem den-sawlıq, jaslarǵa ilim-bilim sırların úyretiwdegi iygilikli islerinde tabıslar tileymiz.

ÓzMKÓMI Nókis filialı baspasóz xızmeti.