Usı jıldıń 26-sentyabr kúni Ózbekstan mámleket kórkem óner hám mádeniyat institutı Nókis filialı student-jasları arasında seminar shólkemlestirildi. ilajǵa, Din isleri boyınsha komitetiniń Qaraqalpaqstan Respublikası aymaqlıq basqarması Nókis qala bas qánigesi X.Nezamatov, Ózbekstandaǵı Islam tsivilizatsiyası orayı aǵa xızmetkeri A.Muratov hám Ózbekstan mámleket kórkem óner hám mádeniyat institutı Nókis filialı Hayal-qızlar máseleleri boyınsha direktor maslaxatchisi O.Kıdırniyazovalar qatnasdı. Ilajda sózge shıqqanlar Social-ruwxıy ortalıq turaqlılıǵın támiyinlew hám dinlerara tatıwlıqtı bekkemlew hám Jaslardı jat ideyalar tásirinen qorǵaw, olarda salamat turmıs tárizin bekkemlew hám diniy keńpiyillik ruwxında tárbiyalaw, ideologiyalıq basımlarǵa qarsı gúresiwiniń aktual baǵdarları hám de «Nadanlıqqa qarsı bilim», “Ekstremislik shólkemler qatarına adasıp kirip qalǵanlardıń taǵdiri” hám «Hújdán erkinligi, diniy shólkemler tuwrısında»ǵı Qarardıń mazmun-mánisi boyınsha túsintiriwler alıp barıldı. Ilaj sońında studet-jaslar ózlerin qızıqtırǵan sorawlarǵa juwap aldı.