Búgin Ózbekstan mámleketlik kórkem oner hám mádeniyat institutı Nókis filialında 2024-jıl student bolıw baxtına miyasar bolǵan 1-kurs student-jaslarǵa “Studentlik gúwalıǵı”n tapsırıw máresimi ótkerildi.

Onda Ózbekstan mámleketlik kórkem oner hám mádeniyat institutı Nókis filialı Jaslar menen islesiw, ruwxıy aǵartıwshılıq isleri boyınsha direktor orınbasarı A.Otepbergenov jıynalǵanlardı 1-oktyabr muǵállim hám ustazlar kúni bayramı menen qutlıqladı. Sonday-aq, elimizdiń sociallıq-ekonomikalıq turmısınıń barlıq tarawları menen birge bilimlendiriw sistemasında alıp barılıp atırǵan jańalanıw hám ózgerislerdi ayrıqsha atap ótti.

Sonıń menen birge, Húrmetli Prezidentimizdiń 213-sanlı tariyxıy pármanı boyınsha qaraqalpaqstanlı jaslarǵa kórsetip atırǵan atalarsha ǵamxorlıǵı nátiyjesinde bıyılǵı jılda da respublikamızdıń qala hám rayonları ushın zárúr bolǵan qánigelikler sanınan hám kadrlardıń ishki mútájliklerinen kelip shıǵıp, 10 000 qosımsha kvota ajıratılǵanlıǵı sonnan 64 student Ózbekstan mámleketlik kórkem óner hám mádeniyat institutı Nókis filialına qabıl etilgenligin aytıp, jaslarǵa usınday imkaniyatlardı jaratıp berip atırǵan Húrmetli Prezidentimizge óz minnetdarshılıqların bildirdi.

Bunnan soń, shıǵıp sóylewshiler sózge shıǵıp, mámleketimizde bilimlendiriw tarawın rawajlandırıw boyınsha ámelge asırılıp atırılǵan jańa reformalar, sonday-aq, mámleketimiz tárepinen jaslarǵa berilip atırılǵan usınday keń múmkinshiliklerden únemli paydalanıp, aldaǵı waqıtları elimiz tınıshlıǵı, xalqımız párawanlıǵı jolında ayanbay xızmet etetetuǵın kadrlar bolıp jetilisiwine isenim bildirdi. Ilajda joqarı ball toplaplaǵan student-jaslarǵa studentlik gúwalıqları tapsırıldı hám filial jámááti tárepinen tayarlanǵan koncert baǵdarlaması menen dawam etti.