Búgin «Muǵallimler hám ustazlar kúni» múnásibeti menen Ózbekstan mámleketlik kórkem óner hám mádeniyat institutı Nókis filialında ilaj bolıp ótti.

Ilajdı filialımız direktorı A.Ayapov basqarıp bardı hám sózge shıǵıp, jıynalǵanlardı ulıwma xalıqlıq bayram menen qutlıqladı hám húrmetli Prezidentimiz basshılıǵında elimizde ámelge asırılıp atırǵan keń kólemli iygilikli baslamalar hám bilimlendiriw sistemasın rawajlanǵan mámleketlerdiń tájiriybeleri tiykarında reformalaw, muǵallimler hám ustazlardıń jámiyettegi ornın bekkemlew boyınsha jumıslar haqqında keń túrde atap ótti.

Ótkerilgen ilajda filialımızda kóp jıllardan berli miynet etip kiyatırǵan, tájiriybeli ustaz-oqıtıwshılarǵa yaǵnıy professor G.Munteeva, professor G.Xodjametova, Q.Siytnazarova, Filosofiya doktorı A.Ótepbergenova, oqıtıwshı N.Qállibekov, M.Dawletmuratova, J.Berdimuratov hám R.Netullaevlar Qaraqalpaqstan Respublikası Ministrler Keńesi hám Joqarı bilimlendiriw, ilim hám innovaciyalar ministrliginiń húrmet jarlıqları tapsırıldı.