Usı jıldıń 26-aprel kúni Ózbekstan mámleketlik kórkem óner hám mádeniyat institutı Nókis filialında Qaraqalpaqstan Respublikası kambaǵallıqtı qısqartıw hám bántlik ministirligi menen birgelikte bos jumıs orınları miynet yarmarkası shólkemlestirildi.  

Qaraqalpaqstan Respublikası joqarı bilimlendiriw, ilim hám innovaciyalar ministirliginiń jetekshi qánigesi B.Yaxiyaev, filial professor-oqıtıwshıları hám pitkeriwshi kurs studentleri qatnastı.

Ilajdı Ilimiy isleri hám innovaciya boyınsha direktor orınbasarı N.Xamidov ashıp berdi hám elimizde jaslardıń bántligin támiyienlew, olardı kásip-ónerge baǵdarlaw baslı wazıypalar etip belgilengen bolıp, bul baǵdarda filialda nátiyjeli jumıslar alıp barılıp atırǵanlıǵın ayrıqsha atap ótti. Bunnan soń, Qaraqalpaqstan Respublikası kambaǵallıqtı qısqartıw hám bántlik ministirligi bas qánigesi Sh.Asqarova shıǵıp sóylep, student-jaslardı búgingi ótkerilip atırǵan miynet yarmarkası menen qutlıqladı hám ilajdıń áhmiyeti haqqında toqtap ótti.

Miynet yarmarkasına respublikamızdıń 122 dan aslam mákeme, kárxana hám shólkemler 343 bos jumıs ornı menen qatnasıp, ózleriniń bos jumıs orınları haqqında student-jaslarǵa maǵlıwmatlar berdi. Ilaj dawamında student-jaslar qánigelikleri boyınsha bos jumıs orınları menen tanısıw imkaniyatına iye boldı. Ótkerilgen yarmarkada jeti studenttiń mákemeler menen shártnaması dúzildi.  

Jaslar bántligin támiyielew, ásirese, student-jaslardı kásip óner iyelewge baǵdarlaw, jumısqa jaylasıwın támiyinlew, olardıń qosımsha dáramat tabıwı ushın imkaniyat jaratıp beriw kúnniń áhmiyetli wazıypalarınan sanaladı. Búgingi shólkemlestirilgen miynet yarmarkasıda bul baǵdardaǵı jumıslardıń ámeliy kórinisi bolıp tabıladı.

Filial baspasóz xızmeti.