Elimiz boylap orınlarda «Student-jaslar arasında milliy qádiriyatlarımız, ózligimiz, milliy maqtanısh, Watansúyiwshilik» túsiniklerin úgit-násiyatlawda ushırasıwlar óterilmekte.
Usı baǵdardaǵı ilaj búgin Ózbekstan mámleketlik kórkem óner hám mádeniyat institutı Nókis filialında bolıp ótti. Ushırasıwdı filial direktorı A.Ayapov basqarıp bardı. Onda Ózbekstan Respublikası Oliy Majlisi Senatı aǵzası Oral Ataniyazova hám Oliy Majlis Nızamshılıq palatası deputatı Ruslan Djumamuratovlar shıǵıp sóylep, sońǵı jılları elimizde ámelge asırılıp atırǵan reformalar, sonıń ishinde bilimlendiriw tarawındaǵı ózgerisler, jaslar ushın jaratılǵan imkaniyatlardı ayrıqsha atap ótti.

Ilaj sońında filial professor-oqıtıwshıları hám student-jasları atqarıwında koncert baǵdarlaması menen juwmaqlandı.

Filial baspasóz xızmeti