Búgin 15-oktyabr kúni Ózbekstan mámleketlik kórkem óner hám mádeniyat institutı Nókis filialınıń náwbettegi májilisi bolıp ótti. Ilajdı filial direktorı A.Ayapov kún tártibindegi máseleler menen ashıp berip basqarıp bardı.

Onda xatlardıń orınlanıwı, studentlerdiń kontrakt máseleleri, sabaqqa qatnası, ijarada jasawshı studentlerden xabar alıw, iyis gazi boyınsha túsinik jumısların alıp barıw, quyyash páneli hámde usı jıl 27-oktyabr kúni ótkeriletin saylaw máseleleri boyınsha aytıp ótti hám tiyisli juwapkerlerge tapsırmalar belgilep berildi.

Ilaj dawamında filialıdıń oqıw bólim baslıǵı B.Turdiyev tariyx pánleri boyınsha filosofiya doktori (PhD), «Social gumanitar pánler» kafedrası oqıtıwshısı M.Kabulova pedagogika ilimleri boyınsha filosofiya doktorı (Phd) hám usı kafedranıń aǵa oqıtıwshısı S.Fayzullaevalar Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı attestaciya komissiyası tárepinen (PhD) ilimiy dárejesin alıwǵa miyasar boldı. Usı múnásibet penen filial direktorı tárepinen diplomlar óz iyelerine tapsırıldı hám diplom iyelerin jámáát atınan qutlıqlap, aldaǵı ilimiy jumıslarında tabıslar tiledi.