“Jıl oqıtıwshısı – 2022” tańlawında Filial “Kórkem ónertanıw” fakulteti dekanı Gúlshira Xodjametova “Xor aytıw” páninen sheberlik sabaǵı jumısı menen qatnasıp “Eń dóretiwshi oqıtıwshı” nominaciyasın qolǵa kirgizdi.

Sonday-aq, Rossiya Federaciyasınıń “Jańa ideyalar” pedagogikalıq sheberlik orayında online túrde “Jańa qábiletli jaslar” Xalıqarlıq muzıkalı tańlawında Ózbekstan mámleketlik kórkem óner hám mádeniyat institutı Nókis filialı “Muzıkalı teatr rejissyorlıǵı” tálim baǵdarı 2-kurs studentileri Nawrızbek Abdimuratov Xalıq qosıǵı jónelisi boyınsha “Bir páriy” qosıǵı menen qatnasıp II dárejeli laureatı iyesi hám Qural Rzayev Qırıq qız dástanınan “Surtayshanıń monologı” dóretiwshiligi menen qatnasıp II dárejeli laureatı iyesi, sonday-aq, Raxım Seytimov XXXXII Putkúl Rossiya balalar hám óspirimler ushın dóretiwshilik “Gozzalıq áleminde” tańlawında Esxildıń “Shınjırlanıp bánt etilgen Prometey” shıǵarmasınan “Prometey monologı” menen qatnasıp Gran-pri jeńipazı bolıwǵa miyasar boldı.

Jeńimpazlardıń tańlawda qatnasıwında «Rejissura hám aktyor sheberligi» kafedrası professorı Najimatdin Ańsatbaev hám Bazarbay Nazarımbetovlar basshılıq etti.

ÓzMKÓMI Nókis filialı baspasóz xizmetı